أنا طالبة تخرجت من الكلية وأخذت دبلوم سنه شبكات من معهد أهلي المعروف أن المعاهد صارت كلها تبع الخدمة المدنية والله وتقرر الأختبار يوم 10/6 من الرياض وإحنا كنا أكثر من معهد مختلفة ومجتمعة في مكان واحد كل معهد له منهج مختلف عن الآخر والله وجا الأختبار وجات المسؤولة من الرياض توزع الأسئلة وصارت تصرخ على الكل وما في مجال للتفاهم معها ومعصبة ( منررررررررفزة ) مع الصباح مع أنه ماحدا ضايقها لأننا جينا قبلها على الموقع المحدد وعلى طول الأختبار وجاءت الصدمة الأختبار خارج المناهج إللي معانا حاولنا نكلمها إلا وهي تصرخ وتقول حنا مالنا دخل جاوبي وبس قلنا لنا الله جاوبنا على أسئلة الأنجليزي والرياضيات والأسئلة العامة للحاسب أما أسئلة الشبكات أللي ماندري من وين جابوها لناالله المهم أحنا 20طالبة نجح فقط منا 4 طالبات ولا بجيد بس أيش رايكم وين نروح وش فايدة فلوسنا اللي دفعناها لو أنك في مكاني أيش بتصلح؟؟؟؟؟؟؟!!!
حسبي الله ونعم الوكيل حتى الدراسة بفلوس ماعاد نفعت … الله يعينك
سبحان الله منرفزززززززززززززة لاوتصرخ كمان !!!! 
لاتسكتو 
حاولو تقدمو شكوى لو للــــبلدية 
!!!
أفهم وش دخل البلدية أخوي تكفى أنا أتكلم من جد أيش نصلح الحال مزرية ولو أروح أقدم ورقي في أي مكان راح يقولو دافعة فلوس وجيد ماعندك سالفة في الحاسب وش أصلح
توتو الجميلة
آآآآسفة بجد بس شفتك معصبة قلت امزح معك شوية !!
كان الله في العون والله لايضيع لكم تعب .
اختك / بلسم
أنا أسفة بس لأن أصحاب المعاهد في منطقتنا غيرو المديرات وماعدنا نعرف مع مين نتفاهم وتخيلي أنا اللي نجحت باقي إلى اليوم ما أستلمت شهادتي
اختي بارك الله فيك
هذا إختبار المؤسسة دايم كذا اسئلة للمتمرس والفاهم يحل والباقي إلي معتمد بس على مايقدمه المعهد ما يجيب نتيجة
لكن قدامك فرصه للإختبار أكثر من مرة بس على كل إختبار خمسين ريال
وبالتوفيق أن شاءالله
شكرا أخي لكن الأختبار مقرر للي ما تجاوزا الأختبار مو اللي نجحوا والأعادة للمرة الأولى ببلاش والمرة الثانية ألف ريال وأنا الحمدالله مو من زود علمي لكن أعتمدت على قدرتي في الأختبار هذا غير أنهم خلال الأسبوعين كانت تتغير المناهج وألاستاذة ما مداها تشرح الشبكات كلها لنا أيش رايك
أولا هذه المعاهد تتبع المؤسسة العامة للتعليم الفني ولا يقوم المعهد بتدريس مقرر إلا بعد التنسيق مع المؤسسة لأن كل مادة تتطرح في المعهد لابد يدفع المعهد مبلغ مالي للمؤسسة ولذلك تتدرج المعاهد في مسمياتها من مركزثم معهد ثم معهد عالي وكل صنف يدفع تأمين مالي حسب قوته وهذه الشهادة المعتمدة حسب علمي قد تكون بين المعهد ومعهد دولي مثل معهد mcse أو غيره والمنهج واحدويكون التنسيق بينها بخصوص الأمور المالية إلا إذا كان مايدرس خلاف مقرر هذا المعهد أو غيره فهو أمر محتمل وقد يكون أمر مفتعل من أجل إعادة الإختبار وبالتالي يترتب عليه مبلغ مالي كما قال الأخ الكريم ألف ريال يزيد أو ينقص ((قد يكون الحل برفع أمركم للمؤسسة الآنفة الذكر )) قد تجدون حلا من أنني لاأعتقد نجاح ذلك ولكن لابد من المحاولة والله الموفق .وآسف للسرد الممل ولكن "حاجة في نفسي "وكل عام والجميع بخير