استشارة لكل اللي المعلمين والمعلمات اللي طالبين نقل ضروووووووي

ليه ما تسجل الغياب …….ماهو حسد لكن اذا ماسجلت الغياب تاخذين فرصة غيرك واذا كانت فرصتي اللي انتي خذيتيها فاقول لك الله لا يسامحك ولا يحلك انتي ومديرتك ولا تقولين النقل مضمون للجميع مهما كان درجات المفاضله راح تتأثر وراح تأخذين شي ماهو من حقك وأتمني من الجميع يخافون الله ويصدقون في نقل البيانات واذا ماكان احد يراجع وراهم ففيه الله اللي مايغفل ولا تنام عينه

السلام عليكم اختي
اعلمي يالأختي ان من ترك شئ لله عوضه الله خيرا منه ومن اخذ شئ للغير فهو سارق
وانتي تقولين الغير يسوون كذا وأنتي تخافين تضيع عليك الفرصه وتقولين هذا عقاب لأمانتي
انتي حره مادامك مقتنعه كيفك
انتي او غيرك اتمنئ ان تجي لجنه تتأكد من صحة البيانات وخصوصا الغياب علشان كل وا حد او وحده يأخذ فرصته الحقيقيه
على فكره سلمولي على الشفافيه من زمان ماسمعنا عنها

الله يوفق الجميع في النقل وفي غيره ؛؛؛؛؛؛؛؛؛وهذي هي المشكلة في التعليم فيه ناااااس عندها غياب بالهبل وما يتسجل عليها ولا يوم وياخذ 100% درجة وهذا اصبح كأنه عرف لكل من يريد النقل
اولا من ناحية الدين فهذا حرام لأنه تزوير وكذب
ثانيا : من ناحية الواقع انا اقول لك ان اكثر من 99% من طالبي النقل يأخذون أكثر من حقهم من ناحية تسجيل الغياب أو درجة الاداء الوظيفي

وانتي بالخيار ؛؛؛؛ ولكن اقول لك لو كنت مكانك لقبلت ذلك (( رأي شخصي )) لأن اكثر المنافسين لديهم نفس الميزات

هذا والله أعلم

اختي العزيزه انا ماني جلفه ولا شي بس حبيت اقول رأيي في مطروح لي ولغيري
وترا ما هو بس الغياب اللي يتغير في الأستماره وبعض المعلمين والمعلمات ينقل بدون مايدخل في الحركه تحت اي مسمى وخصوصا الندب الخارجي اللي يقولون انه الغي لكن في مدرستي ندبت معلمه ندب خارجي وما عد شفناها
في وزارتنا ياعزيزتي من له حيله فليحتال
الله يوفقك بالنقل وييسر لك امرك انتي فتحتي الجرح ولمستي العله
وخلاص راح اترك المجال لغيري بس اهم شي اني فضفضت وريحت نفسي [/font]