المعلمات اسئلتهم صعبه هل توافقوني الري؟

في البدايه اشكر الاخوات على هذا الجهد الرائع وبصراحه والله هم يتعبون في وضع الاسئله لكن انتو عارفين الرجال يعني دايم مشغولين سهر ولعب بلوت وكوفي ويعني بالعربي ماعندهم وقت للتصحيح وبصراحه انا التصحيح عندي موقت له يوم اويومين بالكثير

يا اخي في هذا الزمن الرائع اصبحت النساء افضل من الرجال من ناحية العمل و الدراسة …… فكما تفضلت المعلمات يبذلن جهد في الاعداد و التصحيح و نحو ذلك على عكس المعلمين وفقهم الله لكل خير ……… و الوضع ذاته ينطبق على الطلاب فطالبات اليوم افضل من الطلاب في شتى النواحي ………… وهذا الكلام ليس للتعميم فهناك معلمون اكفاء و طلبة مجتهدون و ان كانوا لا يمثلون الا نسبة بسيطة و لكن لها وجودها و احترامها .

في كل مره أقرأ أسئله معده من قبل معلمه لاأجد شيئا أقل من رفع القبعه -مجازا-(!Raise the hat)
تقديرا للجهد المبذول في أعداد ودقة الأسئله وأقر باستفادتي الكبيره من تلك الطرق في أعداد الأسئله.

اخي المعلم الشقي / اتفق معك فيما قلت .

يزيد

يمكن لان البنات يفهمون اكثر ..

سبق وذكرت هذا الكلام في موضوع كاتبه الاخ او الاخت الالهامي وفهم اني اغلط عليه
عموما انا مشكلتي اني صريح وصراحتي هذا دايم تسبب لي مشاكل مع البشر
اقول وبالله التوفيق
ان البنت في السعوديه افضل من الرجل في مجال التعليم ولا يجادل في هذا الا معاند
ولكن اذا عرف السبب بطل العجب
السبب الفراغ
نعم فاضيه ماعندها شي
تصدقون شفت اسئله (شهريه)لوحده بالنت تقريبا اربع صفحات جزاه الله خير على مجهوده بس ليه التعب هذا
وفعلا حسيت انه فراغ تحب تشغله باي شي
وطبعا تشغله بشي مفيد احسن من شي غير مفيد
الله يقويهم

تصدقون في مره بغيت اطرد الموجه من الفصل تدرون ليه
جالس اخر الصف واخذ كتاب طالب ضعيف
رحت لمه قلت خلك مع الشرح لو سمحت والااطلع برا الكتب اجيب لك بعدين كتب مو تجلس تتصفح كتب طلاب ضعاف
طبعا قلتها له بالانجليزي

اخوانى …………. احنا ما نتفلسف او نضيف شئ من عندنا احنا كل الى نعمله هو التقيد بالتعميم الموجهه لنا

والتمشي بموجب توزيع الدرجات ….. بعدين من قال انه احنا فاضين ……….؟؟؟

انتم لا وراكم عيال ولا مطبخ ولا بيت ولا زيارات ولا جدول عنايه يومى واسبوعى ولا روحات حق الخياطين و ومتابعة جديد الاسواق واشياء ما تعرفوها بعد يعنى مو فاضين مثل ما بتقولوا

والمسئله ما هى صياح من كلام مو جهه لا كن ليش اعطى لغيرى الفرصه لاجل يقلل من ادائى بما انى اشرح واتعب فالاحسن انى اسكتها بالمطلوب منى مو بعد كل التعب تجى وتقول عنى انى مقصره والاهم من كدا انى اكون راضيه عن نفسي ومستوى طلابى

الحمد لله اعترفتوا يا فتوات حارتنا

تعاميم اللغة الإنجليزية على نطاق المملكة يعني لو ما كان فيها مصلحة للطالبات ما كان التزم بها أحد.

و الطالبة لما تغلط و تنقص ربع درجة أو نصف درجة

أحسن من إنها تفقد درجة أو درجتين

المسألة مسألة ضمير و محاسبة رب كريم يحاسبك على كل صغيرة و كبيرة فتذكر نفسك بين يدي الرحمن الرحيم

وهو يسألك عما صنعت و تذكر أطفالا صغارا تربيهم من مرتبك , لا تستهن بما أقول و لا تمحق بركة مالك بيدك!!!!

ابصم لك با لعشرة يأخي على الفكرة ربما يكون هناك نقص في فهم التعاميم !!!!!

السلام عليكم ورحمة الله وبركاته

انا مع الالهام وفليمى

يعنى شف يومك وشلون يمر وشوف يوم زوجتك وشلون يمر

وتعرفون الفرق

والمشكلة مو فهمنا حنا للتعاميم

المشكله انه حتى بعد توحيد الوزارة

الرجال يصدرون تعاميم والنساء يصدرون تعاميم مختلفة

يعنى ما فيه مرجعية واحدة للجميع

انا دايم اشوف اسئلة الرجال وتعاميمهم وتوزيع الدرجات مختلفة عنا

لكن الله يوحد الكلمة باذن الله ونرتاح

يعطيكم العافيه جميعا على المشاركة وابداء الراي