قصيدة أعجبتني وتحتاج إلى الرد
الرحال
سلام الله على اهل المنتدى من هاجس الرحال سلام مثل برًاق الحيا هلت مخاييله
ومن بعد السلام الله يجيب الطيب كيف الحال بدا الرحال فالمرقاب يبغى الناس تبديله
ليا قلتوا تفضل قلت لله ما اشرب الفنجال يكود اني لقيت اللي على بالي وعاني له
انا يالربع طالب قرب وادوِر لبنت رجال تجي بالطيب والمعروف وشويه من الحيله
ابيها دين واخلاق ورزانه مع سعه فالبال وتقضي وقتها مابين تسبيحه وتهليله
وتعرف كيف تطبخ في قدور الضغط والتيفال وتغسل لي وتكوي لي وتعرف تازن النيله
ابيها حيل مزينه وابيها تعجب الرجال وابيها جد شمروخه بلا لفه وتحويله
ابيها ما تعاندني ليا راحت لقيل وقال تطاوعني على المعروف وتعدل لي الميله
ابيها مثل هب الريح تسبقني بطيب الفال تروم النايفات وتطلب الله في تساهيله
ابيها زود لمًاحه وتلحظ رمشتي فالحال وتقرا اللي فبالي قبل لا تبدي تفاصيله
ابي لاعطيتها ديمن تعرف ان الطلب ل اللال ولن شكَلت في لعب الورق تفطن لتشكيله
ابيها تنظم الشعر الفصيح وتبدع الموال تقاصدني ليا جينا سوا ليله ورا ليله
ابيها كل ما فالنفس ابيها مضرب الامثال تناهى فالوصوف وكنها بالشيش تقفيله
وانا معيه عريبة جد منسوبه لعم وخال توفي فاللزوم وعلمها يازين تكميله
بلاها ماتحب الكذب والغيبه ولا تحتال ولا تعرف دروب الشعر لا دارت محاحيله
وقلت الله لو عندي مكاسب فوق راس المال مدام الله محلل مكسبي زايد رساميله
ولا ياوهني اللي يوفي الفرض بالانفال يقول النفل ينفع لن لقيت الفرض باقي له
ولا في باس لن حطيت من فوق الشماغ عقال قصب والا مكثل وش عليها من تشاكيله
ولا في باس لن شديت فوق الموتر الاحمال مدامه يقدر الحمله ولا حلت صواميله
وانا يالربع لن شفت الوفا من ربة الخلخال عليًه عهد يا راع الوفا لاوفي مكاييله
ل اسكنها الحشا واصك بالضبه مع الزرفال تناظر مع عيوني للعرب والرمش تظليله
واسلمها اللجام ولا تقول الخيل والخيال مدام القلب مضمار الغضي تعطي مداهيله
اقوله والمعاني في ضميري والعلوم طوال =اسلي خاطري بالقاف لا كثرت غرابيله
وادور رد وافي من وساع العرف والعقال يجيني صبح والا ليل قاعد له ومركي له
فالانترنت والا ترسلونه لي على الجوال يشرفني ليا جا الرد منكم يا حلاحيله
شعر والا نثر ماهمني مادام سيله سال تروا الديره دهر والنفس طلابه وترجي له
وانا ما عذٍر الشعار حتى اللي تلف الشال اقول الذيب لا منه عوى كم ذيب يعوي له
ولن وصلت مراسيل السنافي والبيوت ثقال يمين الله عليًه ما توخر عن مراسيله
وصلى الله وسلًم عد ما غصن وفيٍ مال على المختار من بين الملا واللي يوالي له
ومن بعد السلام الله يجيب الطيب كيف الحال بدا الرحال فالمرقاب يبغى الناس تبديله
ليا قلتوا تفضل قلت لله ما اشرب الفنجال يكود اني لقيت اللي على بالي وعاني له
انا يالربع طالب قرب وادوِر لبنت رجال تجي بالطيب والمعروف وشويه من الحيله
ابيها دين واخلاق ورزانه مع سعه فالبال وتقضي وقتها مابين تسبيحه وتهليله
وتعرف كيف تطبخ في قدور الضغط والتيفال وتغسل لي وتكوي لي وتعرف تازن النيله
ابيها حيل مزينه وابيها تعجب الرجال وابيها جد شمروخه بلا لفه وتحويله
ابيها ما تعاندني ليا راحت لقيل وقال تطاوعني على المعروف وتعدل لي الميله
ابيها مثل هب الريح تسبقني بطيب الفال تروم النايفات وتطلب الله في تساهيله
ابيها زود لمًاحه وتلحظ رمشتي فالحال وتقرا اللي فبالي قبل لا تبدي تفاصيله
ابي لاعطيتها ديمن تعرف ان الطلب ل اللال ولن شكَلت في لعب الورق تفطن لتشكيله
ابيها تنظم الشعر الفصيح وتبدع الموال تقاصدني ليا جينا سوا ليله ورا ليله
ابيها كل ما فالنفس ابيها مضرب الامثال تناهى فالوصوف وكنها بالشيش تقفيله
وانا معيه عريبة جد منسوبه لعم وخال توفي فاللزوم وعلمها يازين تكميله
بلاها ماتحب الكذب والغيبه ولا تحتال ولا تعرف دروب الشعر لا دارت محاحيله
وقلت الله لو عندي مكاسب فوق راس المال مدام الله محلل مكسبي زايد رساميله
ولا ياوهني اللي يوفي الفرض بالانفال يقول النفل ينفع لن لقيت الفرض باقي له
ولا في باس لن حطيت من فوق الشماغ عقال قصب والا مكثل وش عليها من تشاكيله
ولا في باس لن شديت فوق الموتر الاحمال مدامه يقدر الحمله ولا حلت صواميله
وانا يالربع لن شفت الوفا من ربة الخلخال عليًه عهد يا راع الوفا لاوفي مكاييله
ل اسكنها الحشا واصك بالضبه مع الزرفال تناظر مع عيوني للعرب والرمش تظليله
واسلمها اللجام ولا تقول الخيل والخيال مدام القلب مضمار الغضي تعطي مداهيله
اقوله والمعاني في ضميري والعلوم طوال =اسلي خاطري بالقاف لا كثرت غرابيله
وادور رد وافي من وساع العرف والعقال يجيني صبح والا ليل قاعد له ومركي له
فالانترنت والا ترسلونه لي على الجوال يشرفني ليا جا الرد منكم يا حلاحيله
شعر والا نثر ماهمني مادام سيله سال تروا الديره دهر والنفس طلابه وترجي له
وانا ما عذٍر الشعار حتى اللي تلف الشال اقول الذيب لا منه عوى كم ذيب يعوي له
ولن وصلت مراسيل السنافي والبيوت ثقال يمين الله عليًه ما توخر عن مراسيله
وصلى الله وسلًم عد ما غصن وفيٍ مال على المختار من بين الملا واللي يوالي له
السلام عليكم
بارك الله في أخيك العزيز المتميز
هذا منتدى اللغة العربية والشعر فيه يجب أن يكون باللغة العربية الفصيحة
لعلك تعيد كتابتها في المنتدى التعليمي العام
تقبلوا شكري وتقديري
صح لسانك وانشاء الله تلاقي إللي في بالك ،،،،،،،،،،،،،،،،،،،،،،،،،،،،،،
صح لسانك
ملاحظة / لأخي صدى الحرمااان
انشاء تكتب هكذا إن شاء الله
قصيده رائعه ومعبره وجميله بالحيل
أعانك الله على العزويبة طوال حياتك لأنك لن تجد ما تبحث عنه لذا أنصحك بأن تكتفي بأفضل الموجود وإن خلت من كثير من مواصفاتك
هناك بعض الأخطاء أظنها مطبعية مثل قولك ( هاجس الرحال ) في البيت الأول وقولك ( أبيها حيل مزينة ) في البيت السابع أعتقد أنك تقصد ( مزيونة ) أليس كذلك ؟
هناك بعض الأخطاء أظنها مطبعية مثل قولك ( هاجس الرحال ) في البيت الأول وقولك ( أبيها حيل مزينة ) في البيت السابع أعتقد أنك تقصد ( مزيونة ) أليس كذلك ؟
وأؤيد المشرف الشاب في أن يختص هذا القسم بما يهتم باللغة العربية الفصحى فقط .
.