"تركيب لويس" تكفوون أبي أحد يوضح لي! الله لا يحرمكم الاجر

السلام عليكم ورحمة الله وبركاته ..

مساء الخير ..

أنا ثاني ثنوي وللأسف عندنا أستاذه ما أفهم منها أبببد

وألحين وأنا أذاكر وصلت لحد درس "التراكيب الجزيئية" واللي فيه تركيب لويس ..
والمشكلة إني ما عرفت له ..
دورت في كل المواقع وكل اليوتيوب كلت يمكن ألقى أحد شارحه !
قريت الدرس مليوون مره .. وما عرفت خصوصا الخطوة الثانية .. من وين نجيب إلكترونات التكافؤ ؟! (اللي راح نضربها في عدد الذرات ) ؟ صـ 130 و صـ 131
عجززت أفهمه .. بعض الخطوات شوي عرفت لها وبعضها !!

تكفون اللي يعرف طريقة تركيب لويس لا يبخل علي .. لو بالدعوات إدعولي إني أتوصل لفهمه .. أنا حريصة على درجاتي هالترم والكيمياء ناشب لي !

أخيرا .. للمرة الألف
ياليت اللي يعرف طريقة تركيب لويس يشرحها لي ..
وبعد اللي عنده حل لتمارين كتاب الكيمياء ياليت يعطيني إياه "خصوصا درس التراكيب الجزيئية " ..

الله يسهل لي ولكم وجميع المختبرين ..

لو عندى مثال NH3 أولا: التوزيع الالكترونى لكلا من N,H :
N7 :1s2 2S2 2P3 و H1: 1s1
ثانيا : نحدد الكترونات التكافؤ لـ H =1 , N=5 ثم نعوض في الجزيء/ ( الكترونات تكافؤ 8 =5+ NH3= 3×1 )
ثالثا: نحدد عدد أزواج الترابط وذلك بقسمة الكترونات تكافؤ الجزيء على 2 : ( 8 ÷ 2 =4) اذن يتوافر 4 أزواج للترابط
رابعا: نحدد الازواج غير المترابطة = عدد الازواج المترابطة – 3 ذرات الهيدروجين المترابطة الموجودة في الجزيء NH3
اذن = 4 – 3 = 1 زوج غير مرتبط
خامسا نرسم التركيب ونضع الزوج الغير مرتبط فوق ذرة النيتروجين المركزية ..
H-N -H
H

أختي "النخلة الصغيرة " عااااجزة عن شكرك .. الله يجزاك خير ..

ما تخيلين فرحتي يوم شفت ردك ، والله فرجتي كربة .. أخيراً قدرت أستوعبه ..
الل يسهل لك كل عسير ، وإن كنتي طالبة الله يسهل لك إختباراتك ..
الله يفرج عنك كل هم ويرزقك باللي تمنينه .. عاجل غير آجل ..

شكرا لك مرة أخرى .. عافاك الله