مرحبا
انا توظفت بمدرسه حكوميه على الكمبيوتر
وكل ما اسال المدرسات هل احصل خبرة يقولي ايه بعدين مدري والله احترت الراتب اللي حاطينه ضعيف بالمرة واصبر نفسي علشان الخبرة
فسؤالي هل تحتسب لها خبرة ولا لا
يعني اذا فيه احد مدير او مديرة مدرسة تكفون جاااوبو تكسبون فيني اجر
اختي وعد للأسف مافي اي اهتمام بموظفة الحاسب بالمدرسة
انا مثلك تحملت هالوظيفة لعل وعسى آخذ منها شهادة خبرة
بس اتوقع مافي لاخبره ولاهم يحزنون
لأن احنا يعتبر على بند المديره
ومثل ماقلتي الراتب ضعيف والمماطله فيه
بس مالنا الا الصبر وننتظر الفرج من رب العالمين
وبانتظار ردود اخوانا واخواتنا
دمتي بود
السلام عليكم ورحمة الله وبركاته
اخواتي الكريمات راجين من الله ان يثبتكم بوظيفة رسمية ولا الشحططه هذي والبنود اللي مالها داعي بس احسن من القعده
من ناحية الخبره اختي شوفي ان كان رافعين لك تقاعد في شركة التأمينات على البند واذا مافيه تقدرين ترفعين وتدفعين 20% من راتب تختارينه انتي 1500 اقل شي وكل شهر تدفعين 20% من الراتب واذا كانو رافعين لك ويمشي لك تقاعد تدفعين من الراتب 9% والباقي عليهم بس المبلغ مو مستاهل المهم الخبره اللي تحسب لك بالتأمينات
طيب آخوي ممكن تفيدنا بخبرتك
كيف ارفع تقاعد في شركة التأمينات
ربي يجزاك خير