تكفوون يااخوني مساعد بسررعه قبل السبت

السلام عليكم ورحمه الله وبركاته

وجمعه مباركه ولاتنسون سوره الكهف

هلا اخوي راح اساعدك بس انت نظام العادي ولا المقرارات

مافهمتك كيف نظام عادي ولا المقررات

انا علمي ثاني ثانوي

الفصل الاول يتكلم عن النظريه الذريه وابغا شرح مفصل لهذا الباب الاول مع حل الاسئله تكفيين بسرعه يااختي

أخوي .. الدروس الأولى الشرح مرة واضح بالكتااب .. تبي درس أعداد الكم واللا ايش ؟؟

طيب التجاارب فاهمهاا .. ؟ ..أنت حط اللي تبي وما يصير خاطرك الا طيب ..

تكفي نورا بسررررررررعه

ابس العداد الكميه وكيف طريقه حل المسائل في اخر درس يعني الي فيها قاعده هند والغرف سهم فوق وسهم تحت مافهتها يعني من صفحه23الى32 بسهو الي ابغا له شرح
اما اول الكتاب سهل مرره

سبسرررررررعه

أبشر ..خلني أبدالك فقرة فقرة وحاول تفهم وعند كل فقرة ما تفهمها قلي لأن اللي بعدها مترتب عليهاا .. وفي بعض الفقرات
اللي أحسها مو مهمة باختصرها ..أوك
طيب الحين عندك ..أعداد الكم وهي أنواع .. ركز بكل نوع .. أول واحد العدد الكمي الرئيسي .. رمزه ن .. هذا وش سالفته ؟
الحين الذرة هي عبارة عن نواة بالمركز واللي يدور حواليها الكترونات هالالكترونات تدور بس مو عشواائي .. تدور بمكانها المحدد لها
واللي نسميه مدارات .. عندك أقرب مدار للنواة هو أول واحد فنقول عنه المدار رقم 1 .. وبالتالي فإن ن =1 .. يعني ن هي تحدد المدار

طيب .. هذا ن هو رمز العدد الكمي الرئيسي وش فايدة أو وش وظيفة ومهمة هالعدد .. هو اللي يحدد حجم وطاقة المجال ..
كيف ؟؟
عندك أقرب مدار للنواة هو المدار رقم 1 .. وهو أقل المدارات طاقة .. وكل ما بعد المدار عن النواة كل ما زادت طاقته ..لكن الالكترون
عكس المدار الاكترون كل ما قرب من النواة زادت طاقته " الكامنة " وهذا هو اللي بالملحوظة الصفراء

طيب هذا عن الطاقة .. نجي للحجم .. طبيعي ان أقرب مدار يكون أصغر مدار يعني ع شكل دائرة صغيرة وكل ما بعدا كل ما كبر المدار
وبكل مدار يوجد مجال الكتروني ويختلف حجم كل واحد ع حسب المدار ..

طيب الحين المدارات عددها 7 يعني ن دايما نقول انها =1 أو 2 أو .. ع حسب المدار المحدد بس ما تقدر تاخذ فوق 7 لأن أصلا ما في مدارات …

هذا كفهم .. لازم تكون فاهم ان " ن " هي رقم المدار ..

طيب وش اللي تحفظه ..؟
ن .. رمزالعدد الكمي الرئيسي ..
ن = { 1 ,2, 3 ,4 ,5 ,6 ,7 } …مقدار عدد الكمي الرئيسي ..
تحديد الحجم والطاقة للمجال …أهمية العدد الكمي الرئيسي ..

الحين خلصنا العدد الكمي الرئيسي ..
أي شي مو فاهمه قللي قبل ما ننتقل للي بعدها ..

ايه الي بعده تكفيين بسرعه ابغاه الباقي تشرحينه كامل لان بكرا اختباري وابغا افهم المعادلات الي فيها4p-1 وكيف طريقه حلها
بسرعه نورا

يعطيكي الف عافيه ع الشرح الاول ومفهوووم
جزاك الله خيرا

أهم شي تكون فاهم الأول ..

لا تستعجل حبة حبة ..

نجي للعد الكمي الثانوي المجالي .. رمزه ل .. هذا وش سالفته ..؟ هذا عبارة عن المجالات أو الغرف في المدار الواحد .. يعني
تخيل المدار الحين المدار نفسه فيه غرف .. المدار الأول " الأقرب للنواة " يحمل غرفة واحدة .. المدار الثاني غرفتين .. المدار الرابع أربع غرف والخامس والسادس والسابع أربع غرف ما تزيد .. الغرف هذي هي نفسها المجالات الاكترونية وما تزيد عن أربعة ..
كل غرفة فيها الكترونين .. الغرفة الأولى تسمى s والعدد الذي يعبر عنها هو 0 .. والباقيات موجودات بالجدول بصفحة 24 ..

طيب ..اذن ل = { 0 ,1 ,2 ,3 } .. لما تكون ل =s اذن قيمة ل =0 وهكذا مع الباقيات .. مثال ل = p اذن ل = 1 .. وااضح ..

ل ما أهميتها ؟؟ أهميتها تحدد لي شكل المجال .. بمعنى لو انت ل = s اذن ل كروي ….موجودة بنفس الجدول " احفظ الباقيات " ..

ع فكرة المعادلاات مبنية بشكل كبير ع اللي أقوله لك الحين ..