السلام عليكم …
ممكن لو سمحتوا تعطوني أحسن وأفضل طريقة لحفظ جدول الضرب …
ابتلشت مع هالبزران … اعجزت ابهيم يحفظون …
كل يوم والثاني أنا ويّاهم هواش … والى هالساعة محد منهم حفظ
الا ثلاثة بالمية بس من الطلاب هم اللي حافظين..(6 طلاب من 20 طالب)
هم اللي حافظينه بسسسسسسسس …
أما الباقين … ياغافلين لكم الله …
عطوني تكفون طريقة سهلة وتساعد على حماس الطالب …
لاتبخلون … علي زييييين ..
يالله بانتظاركم …
طريقة التكرار أفضل طريقة بحيث العد مثنى مثنى وهكذا
يقوم الطالب الأول بعد 2 والذي يليه 4 ……….الخ فيحفظوا جدول 2
اسرع طريقة لحفظ جدول الضرب هي
1 -عمل المسابقات
2- توزيع بطاقات مكتوب عليها جداول الضرب وبقوم كل طالب بتعليق هذه البطاقة وتكون معه بشكل مستمر
3- مكافأة امتميزين ومعاقبة المقصرين
4- التنبيه واخطار ولي الامر بأهمية جدول الضرب
هذه الطرق مجربه ولدي نسبة الحافظين لجدول الضرب 78 من 100
اي 25 من 32 لازالت الجهود مستمرة لكي تصيح النسبة 100 انشاء الله
السموهر ..
شكرا لمداخلتك …
فعلا ً طريقة جيدة … لكن مشكلة الطلاب اللي عندي (( دجااااج))
لو ابسوّي لهم الطريقة اللي قلتلي عليها ماراح يطلعون بنتيجة …
لأنهم ((مابالحمض احد)) … وراح تاخذ من وقت الحصة>>>>>(الحصة والا الجوهرة)<<<<<< مهوب وقته…
المهم… يمكن تاخذ من وقت الدرس شي كثير
وبالأخير ماراح نطلع بنتيجة يمكن …
لكن ان شالله بجرّبها وبشوف وش راح يصير آخرتها معهم …
((( اللهم طوّلك ياروح ))) …
شكرا ً لك ..
………
المعلم 1000 …
شكرا ً لك …
أنا شخصياً كنت متبّع هالطريقة النصف الأول …
قلتلهم اللي يحفظ الجدول راح أعطيه جائزة … وفعلا ً بعضهم تحمّس
وبعضهم (( ماعنده ماعند جدتي )) …<<<<<<يدربيها بالعربي …
وسوّيت لي جدول في ورقة مكتوب عليه جداول الضرب (10،5،4،3،2،1)…
…. ورحت ودبّستها بثاني صفحة من كتاب الرياضيات …
وبالأخير مافيه أي نتيجة …
واللي مايحفظ منهم أسجّل بسجلّه حق الواجبات …
لكن لاحيااااااة لمن تنادي ….
الله يعين يابن الحلال خلّها على ربّك …
الظاهر مالي الا طريقة وحدة …
يمدحون الطراقاااااات 
… ألييييييييين يحفظون >>>>>>أصولها..لابوهم لابو اللي جابهم…
اللي عنده طريقة مجرّبة وزينة غير اللي قالها الإخوان يعطيناها الله يعافيكم
.. وشكرا ً للجميع …
أخي المعلم ان دل فإن يدل على حرصك فجزاك الله خير وياريت في تقدير ولكن لا مشرف يقدر ولا مسئول ولكن عملنا نبتغي فيه وجه الله———————أخوك زميل المهنة السموهر
شكرا ً لك أخي السموهر …
والله انك صادق … ماعندك احد يقدّر العمل اللي حنّا نسوّيه …
لكن ان شالله كل شي بأجره .. ان شالله …
مادة الرياضيات تختلف عن غيرها من ناحية التحضير وطريقة الشرح
وطريقة توصيل المعلومة … من جد ّ عملية صعبة …
اللي يرفع ضغطك زيادة … اذا جاك واحد من أولياء هالأمور
ويقول ليش تحطّ ملاحظة على ولدي …
طيب وش تبيني اسوّي له … تبين أمشّيه واخليه يعدّي هالمهارة(اللي هي جدول الضرب) وهي مهارة اساسية..
وهو (ولده) أصلا ً مايدري 2×2 كم ؟ مايصير …
مثل سالفة حصلت معي مع واحد من أولياء الأمور … كان ولده
ماحفظ جدول الضرب .. واسجّل له بسجّل الواجبات انه ماحفظ الجدول
واكتب خطاب لولّي أمره واقوله ان جدول الضرب مهارة اساسية ..
لازم يكون الطالب متقنها بمهارة … (ماعندنا مطاريس) ..
ويوم جا توزيع شهادات الطلاب .. جاني ولي أمر هالطالب وقال لي ..
ليش مسجّل ملاحظه على ولدي .. انه ماحفظ الجدول ..
قلت له ارجع لسجّل الواجبات حقّه وبعدين تعال كلّمني ..
بصراحة رفع ضغطي مليوووووون …
خلّها على ربك يارجّال …
الله يعيننا على غثاهم …
لكن أورّيك فيهم .. ياأنا ياهم بهالمدرسه <<<<<<<<(الله يستر) مسوّي نفسي عنتر … والا جا الجدّ ماعندك أحد …
اخي العزيز باختصار جدول الضرب لا يحفظ الا بالضرب ثم الضرب
وشـــــــــــــــــــــــــكرا
الفارس 99
أحسنت أخي الكريم … صدقت والله …
جدول الضرب لايحفظ الا بالضرب ثم الضرب ثم الضرب ثم الضرب …إلخ
ألييييييييين يفطسون من هالضرب …
جعلهم منيب قايل …
كيف حالكم ——-الفارس99 طبعا نحن نريد مصلحة الطالب ولكن مرة ضربت طالب علشان جدول الضرب لكن والله العظيم إني أنضربت على راسي ولكن لا حول ولا قوة إلا بالله فلا مدير ولا إدارة تعليم تقف معك بل خصم سبعة أيام جزائية والتهزئ وتاخذ على راسك ولا تقدر تتكلم فلذا كما أخبرتك سابقاً أستخدم الطريقة التي أخبرتك بها والله المستعان
اخوي السموهر …
بسم الله على راسك …
حشى ماصارت مدرسة … حلبة مصارعة …
لو اني منّك كان ردّيت الصاع صاعين وانا اخوك
لهالدرجه الإستهتار بقيمة المعلم … عمى يعميهم ان شالله قل آمين
وانا أخيّك …
الحمدلله على سلامتك …
الحين جزاء المعروف سبعه كفوف … هذا جزاك تبي مصلحة الطالب
يجون يقلبونها عليك …
الله لاتوفقهم وانا اخوك … والله اني منقهر …
…
الله يعين بس …
تحياتي ..