اخواتي و اخواني معلمات اللغة الانجليزية .للصف الأولى متوسط…. لدي مناقشة الصعوبات التي تواجهة الطالبات في الreading بالنسبة لأولى متوسط وذلك من بعد ان يصلن الى الوحدة الخامسة و ما بعدها… الله يخليكم افزعولي … قدام موجهات و فشلة وانتم عارفين … اختكم في حاجة ماسة جدا.. يا ليت في نقاط … فقط جمل مختصرة .. ترى اجتماعنا بعد بكرة .. يوم الأثنين … و هنيالك يا فاعل الخير … اختكم المخلصة …وجزاكم الله عني وعن الأمة العربية كل الجزاء..
السلام عليكم
ابي اقولك وشلون انا تجاوزت هذه الصعوبة
بس فيه ثمن
مو بلاش
انك تعطينا النتيجة والتوصيات
اول فكرة
حطيت كروت عليها كلمات وكل طالبة تقرا كلمة وتجي الرابعة وترتب لتكوين جملة والخامسة تقرا الجملة
مثال am / a / I / doctor. كل وحدة تقراء كلمة
لازم كذا مثال
الفكرة الثانية
اسوي حوار او قطعة صغيرة مكتوبة على لوحة فلين مجلدة علشان امسح واستخدمها اكثر من مرة
وفي الحوار missing parts ( not words ) واوزع البطاقات اللى مكتوب عليها الجمل المفقودة
وكل وحدة تجي تحط البطاقة اللي معاها على الفلين بالدبوس في المكان المناسب وبعدين تقراء الجملة كاملة
وبعدين تخلين كذا وحدة تقراء القطعة او الحوار
الفكرة الثالثة
عملت 45 كيس ( اللى زي شنط البنات الصغار اللى بتدكيك ) وكل 15 كيس بلون واحد
مثلا 15 كيس وردي – 15 كيس اصفر – 15 كيس اخضر
كل صف ياخذ 3 اكياس يعني كيس من كل لون وكل كيس في مجموعة من الكلمات
واقولهم يفتحو الكيس اللى باللون الاخضر واوريهم كلمة والمجموعة الشاطرة اللي تطلع الكلمة في الاول
وبعدين الكيس الوردي ونفس الحكاية واوريهم كلمة والمجموعة الشاطرة اللي تطلع الكلمة في الاول
الفكرة الرابعة
ولا خلاص ان بغيتي زوت عطيتك
وفعلا بناتي فرقو واتحسنو في القراءة
والله يوفقك