معلمه بدون خبره مستجده ابي فزعتكم وخبرتكم يرحم والديكم

[SIZE="6"[/SIZE]

بسم الله الرحمن الرحيم

السلام عليكم ورحمة الله وبركاته

انا معلمه مستجده بلا خبره متخرجه من 10 سنوات

ما اعرف شي في طريقة التحضير الحديثه
نهائيا ابدا

وما اعطونا اي دورات

وايام دراستي بالكليه طبقت ع الطريقه القديمه
اليوم تفاجات باشياء ما اعرفها وانصدمت جدا جدا لدرجة الاحباط وفكرت اتنازل عن الوظيفه بس تعوذت من ابليس وقلت لازم اصبر واجتهد لكن المشكله
طول يتوقعون مني ابدع ويتوقعون مني اداء مثل معلمه خبرتها 9 سنين وفوق

وانا حتى دفتر التحضير ماعرف اسويه خبري بالتحضير القديم

وملف انجاز المعلمه ياربي وش اكتب واحط فيه

دخلت ع اليوتيوب ادور دورات تدريب ع طرق التدريس الحديثه لكن مالقيت

المشكله العظمى

حطوني بمدرسة تحفيظ قران وانا تخصصي دين

لكن عندهم الدين مركز جدا

اليوم دخلوني حصة تحفيظ وربي فجاه قالوا روحي عندك فصل واعطيهم قران من كذا لكذا

ودخلت ع البركه

تكفووووووووووووووووون

ابي فزعتكم

ابي اعرف

كل شي عن دفتر التحضير

كيف اقسمه

التحضير يوميا
ولا اسبوعيا

هل احضر يدويا ولا اسحبه من النت

واذا سحبته من النت

احط الورق اللي طبعته مثل ماهو ولا وش اسوي

===============

كيف اقسم الحصه
===

ابي اي معلمه او معلم دين يتبناني ويوجهني والله لادعي له او لها كل مادخلت حصه وكل ماطرت على بالي

انا انسانه اتعلم بسرعه

بس ابي احد يدلني ويوجهني واقدر بعدها امشي وابدع بس كل اللي ابيه اني افهم

==============

وربي متورطه ورطه لدرجة اني ودي ابكي بالحصه

===========

من يوم السبت بادخل حصص عندي اربع مناهج

وهي توحيد ثاني ثانوي

حديث ثاني ثانوي

علوم قران ثاني ثانوي

قران اول متوسط حفظ وتلاوه

طبعا مناهج تحفيظ قران
============

افزعولي

يالنشامى

كل معلم او معلمه عنده خبره

ويدخل هنا

احلفه بربه يفيدني باي شي

:d035:

دخيل ربكم

انتظر فزعتكم

ألف ألف مبروك على الوظيفة أولاً.

وثانياً يا اختي ترى الموضوع ما هو بهالصعوبة توكلي على الله وابدأي بهدوء ومع الوقت

يصبح الأمر سهل جداً بل وممتع.

بالنسبة للتحضير موجود في المكتبات وموضح فيه كل شي طريقة التدريس واهداف المادة

العامة والخاصة والخطة وتوزيع المنهج حسب الاسابيع الدراسية.

وما هو مطلوب منك فقط وضع التاريخ والوقت للحصص حسب الجدول

الخاص فيك.

وتوجد التحاضير ايضاً في المواقع الالكترونية يمكن تستفيدي منها وييلاش.

حاولي بناء علاقة جيدة مع الزميلات والطالبات واستفيدي من اصحاب الخبرة من الزميلات

وليس عيباً ان تطلبي منهم المساعدة والمشورة إن لزم الامر.

اتمنى لك التوفيق والنجاح

اقتباس:

بالنسبة للتحضير موجود في المكتبات وموضح فيه كل شي طريقة التدريس واهداف المادة
العامة والخاصة والخطة وتوزيع المنهج حسب الاسابيع الدراسية.

وما هو مطلوب منك فقط وضع التاريخ والوقت للحصص حسب الجدول

ولاتنسي تسألي الطالبات وين وصلوا بالمناهج اذا سبق لهم ان اعطوا دروس
و الزميلات يفيدونك كثير

الله يسعدكم ولا يحرمني طلتكم

انا مثلك معلمه دين جديده للمرحلة الثانويه وبحثت باغلب المواقع التعليميه لم اجد شي اعطونا روابط اقل شي اوي اشي

الأمر سهل جدا مهنة التعليم مهنة غاية في السهولة، ‘ذا كانت المناهج جديدة فلا تحتاج الى تحضير

اما ان كانت قديم فالتحاضير موجودة في أغلب المكتبات، وإن لم تجدي فأنا مستعد لكل ماتريدين

وفقك الله في الدارين، وأعانك على تحمل هذه الرسالة السامية

اخوي حي سمنان مشكور

ياليت تزودنا بمواقع تحضير بسرعه نطبعها او نحملها لان اغلب المواقع الا اشترك بالمنتدى وانا مو فاضيه ابي بسرعه بكره عندي علوم قران الايات والسور حق اول ث وتوحيد ثمرات الايمان حق ثاني ث

اقتباس:

المشاركة الأصلية كتبت بواسطة دموع التوبه