هل يحق لمديرة المدرسة رفع خطاب لهيئة الرقابة والادعاء العام في حق معلمة متغيبة

مساء الخير ،،، كل عام وأنتم بخير

وش رأيك ؟؟ هل لي الحق في ذلك ؟؟
عندي معلمة لها واسطة قوية في الأشراف التربوي والمتابعة راعيت غياب كثير أرفع خطابات عن أحوال المعلمة من سنتان ولا حياة لمن تنادي كل شوي يقولون المعلمة لها ظروف خاصة ويتحججون بألف ألف حجة وبصراحة قالت لي أحد الأخوات أرفعي خطاب إلى هيئة التحقيق والادعاء العام علشان يتابعون وضع المعلمة ويحسبون المقصرين ؟؟؟
أشاورك قبل ما أتخذ القرار أخاف فيه تعدي على الحدود ؟ بمعنى أنا أرفع للأشرلف والأشراف للمتابعة وهكذا ؟؟؟
أو من حقي رفع الخطاب دون الرجوع إلى المرجعية

أنتظرك أرجو الأفادة

مديرة مستجدة

اخيتي ما دام المرجع أفادوك بأن لها عذر فهو مقبول الا إن كان هناك ضرر على الطالبات

لا يوجد عذر مقبول هناك معلمات أصعب حال من وضعها وأفضل منها ،،، الضرر نعم يوجد تأخر في المناهج وتأثير سلبي على زميلاتها
ممكن في اي لحظة تأخذ إجازة ويتحملن زميلاتها النصاب هي فوق النظام

الأخت المديرة المميزة : يبدو أنك تقصدين هيئة الرقابة والتحقيق لأن هي الجهة
المعنية بالمتابعة وليس هيئة التحقيق والادعاء العام
هناك الكثير مثل هذه الحالة يعاني منها المدراء وأنا في رأيي الشخصي
أن فكرتك في مخاطبة جهة خارجية فكرة صائبة خاصة أن من صلاحيات
المدراء الجديدة حسب علمي مخاطبة الجهات المختلفة دون الرجوع للإشراف
أو الإدارة أهم شي يكون عندك إثباتات وتوثيق أنك خاطبت الإشراف
ولم تجدي تجاوب .. وفقك الله

نصيحتي لك اختي

اذا تجيب تقارير طبيه سليمه مالك حق في اي طلب

وبيطلعون الحق عليك

كلمي المباحث عنها

يا اختي … اتقي الله في بنت الناس … يمكن فعلا ظروفها قاهره ولا تبي تطلعك على هالامر
يمكن ظروفها تستحي تقولك اياها … مشاكل اسريه .. مرض خطير .. وش يدريك …
خافوو الله في خلقه … انا مديري مسويلي مشاكل لانه ما يخاف الله … كل هذا عشان جلست مع الوالد في مرضه اسبوع ونص ورافقت بعدها اسبوع بالمشفى الين توفاه الله …. وكل هالامور ما شفعتلي عن هالمدير السلتوح …………

خافي الله وخلي بنت الناس في حالها … ودامك رفعتي الامر لادارة التعليم وقالولك ظروفها خاصه خلاص وشللك وللقافه انتي بريتي ذمتك وخلاص …

اقتباس:

المشاركة الأصلية كتبت بواسطة غيرعنهم يا اختي … اتقي الله في بنت الناس … يمكن فعلا ظروفها قاهره ولا تبي تطلعك على هالامر يمكن ظروفها تستحي تقولك اياها … مشاكل اسريه .. مرض خطير .. وش يدريك … خافوو الله في خلقه … انا مديري مسويلي مشاكل لانه ما يخاف الله … كل هذا عشان جلست مع الوالد في مرضه اسبوع ونص ورافقت بعدها اسبوع بالمشفى الين توفاه الله …. وكل هالامور ما شفعتلي عن هالمدير السلتوح ………… خافي الله وخلي بنت الناس في حالها … ودامك رفعتي الامر لادارة التعليم وقالولك ظروفها خاصه خلاص وشللك وللقافه انتي بريتي ذمتك وخلاص …

اولا: الله يرحم والدك
ثانياَ : هل قدمت له اجازة مرافق خلال فترة الغياب
ثالثاَ : هل قدمت له بلاغ الوفاة
رابعا : زميل لنا توفي والدة فطلبنا منة عنوان مقر العزاء فخبرنا انة في قرية وتبعد عن جدة كذا (صعبه الوصول) وبعد اربعة اشهر حضر والد زميلنا يسل عنة !

لاتحمسين كثير ياكثر اللي مثلها وبما أنها تجيب تقارير طبيه فمالك اي حق في الرفع بها
عندنا مثل عينتها كثير وهيئة الرقابة جت وراحت وجت وراحت ولاسوت اي شي وماتقدر تسوي شي
مجرد تحقيق وحبر على ورق فلا تتعبين نفسك كثير وهي وضميرها
ولكن فيه حل ممكن تعملينه معها يمكن يفيدك
1- استدعيها وكلميها بلطف واسأليها عن سبب الغياب وماهي ظروفها هل هي اسريه او انها منزعجه من امر ما داخل المدرسة ؟!
2- وضحي لها أن غيابها يسبب ارباك في العمل وضغط على زميلتها وقولي لها ضعي نفسك موضع زميلاتك وتخيلي نفسك
مكانهن وتغيبت معلمه ماهو شعورك اتجاهها وأنت تتحملين فوق طاقتك من حصص اساسيه وانتظار؟؟
3- ذكريها أنها تحمل امانه راح تسأل عنها امام الله
4- واذا كانت هناك اسباب قاهره تجبرها على الغياب فممكن تتعاونين معها بحيث تاتي وتعطي حصصها وتسمحين لها بالخروج بعد ان تنتهي حصصها واحتياطها
5- اسأليها هل غير مرتاحه مع الجدول الخاص بها ؟ وهل هي لاترغب فيما اسند لها من مواد حتى تستطيعين هل المشكلة
6- حاولي ان تجذبيها للمدرسه بتشجيعها والاثناء عليها وشكرها عند كل عمل مستحسن تقوم به وتذكري يا أختي أن الكلمة الطيبة صدقة
7- وهو الأهم اتمنى الايكون سبب تغيبها هو هروب وكره للعمل بسبب ماتواجهه من تسلط من قبل الإدارة عليها مما جعها تنفر من العمل