اول شي السلام عليك 000000000وبعدين اقولكم وش القصه تراي توي متعين مدرس في مدرسه اهليه ووهقوني وعطوني اول وثاني وثالث ابتدائي
ودرستهم اول اسبوع وهبلبوي عجز اضبطهم ان هاوشتهم صاحوا وان سكت قاموا يلعبون(مدلعين)وبعدين عجزت عنهم وش اسوي ازعاجهم واصل الصفوف اللي جنبنا وبعدين فيه مشكله ثانيه وهي ان مواضيعهم قصيره مره تشرحها في خمس دقايق وما فيها مجال للتوسع؟؟ والمشكله ان توزيع المنهج يقول ان الموضوع الواحد لازم تقعد تشرحه لهم اسبوعين؟؟؟؟
وش اسوي المواضيع قصيره ساعدوني تكفون قبل انهبل اسبوع واحد بس واوجعني راسي اجل بعدين وش بسوي؟ ساعدوني تكفون قبل انهبل يا تلحقون علي والا ما تلحقون
أهلاً بك لأخي المعلم المستجد … في عالم المهابيل قصدي المعلمين و كل ما رأيته في ذاك الأسبوع سيزول مع الوقت … اطمئن ستتعود على مثل هذه الأجواء و اسوأ منها المهم الصبر و التجلد ….
لك مني نصيحة في الصف الأول حاول معهم بطريقة المكافأة … حيث تقول للطلاب من يسكت و يتأدب طوال الحصة سأعطيه جائزة ( ليس المهم أن تكون غالية الثمن .. فقلم رصاص يفي بالغرض ) و سترى النتيجة بنفسك بارك الله فيك …