درس نموذجي في اداب الاستئذان حديث الصف السادس

مثلاً خليها تتفق مع ثنتين يمثلون
يكون معهم تلفونات ووحدة تتصل عالثانية , وتقول حيّا الله أم فلان بنسيّر عليكم اليوم
وذيك ترد عليها : والله اسمحيلي حنا مشغولين وكذا مثلاً
وذيك تسكر وتزعل << ويستنتجون البنات

ممكن تقول ما رأيك بالموقف التالي وتتكلم عن الأخت لما تدخل غرفة أختها من غير استئذان
وتقول عادي أختي , ليش استئذن << وتستقبل نقاشات البنات وتربطها بالحديث

بالنسبة للجرس ممكن تجيب جرس حقيقي لو عندكم مثلاً وتخلي وحدة ترن وترن
وتخلي البنات يطلعون الخطأ اللي بالاستئذان هنا وتشرحه هي

وخليها تخلي وحدة تطبّق طريقة الاستئذان الصح بباب الفصل
وتتكلم عن البنات اللي يدخلون الفصل من غير سلام ولا استئذان لما يجون يطلبون قلم سبورة مثلاً

تتكلم عن الضيوف اللي يجون فجأة من غير اتصال وكذا , وكيف إن هذا يكون فيه إحراج
وتاخذ راي البنات مثلاً بأن يتذكرون ضيوف جوهم من غير ما يقولون وكيف كان وضعهم

أنا أشوف لو الدرس يكون بوربوينت بتبدع بنتك إن شاء الله
وبيكون في ترتيب لأفكارها بحيث ما تضيع أبد
وتسوي جميع الأشياء الخاطئة كصور مثلاً , ويطلع إبداعي بإذن الكريم
لو المدرسة ما فيها جهاز عرض ممكن تستاجرين لها وتخلين معلمة هي اللي تحرك الشرايح لها
أو تخلي درسها بمعمل العلوم لو فيه جهاز عرض مثلاً
ولو صعبة وما فيه عادي الجود من الموجود , وممكن الإستعانة بمشاهد تمثيلية

اطبعيلها من النت صورة باب أو جرس , وحطّي خلفها آداب الإستئذان
وعلقي عليها حلاو جالكسي مثلاً وخليها توزعها على المعلمات والمشرفات الزوار