قدر الله علي واخذت الدبلوم التربوي العام بموافقة الاداره طبعا ورفعت اوراقي بشهر شوال والى الان مافي حس ولا خبر
اسئلتي هي
بروح يو السبت الرياض وابغا اعرف لمن اروح عشان اراجع
وايش هي الاوراق المطلوبه
الله يوفقكم علموني حيث اني من سكان الدمام وتابعه لادارة الدمام
ولا عرف شي بالرياض وبروح اسال واراجع ولا ادري وين اروح ولا وش اسوي
الله يوفقكم لاتبخلون علي بالمشوره
جزاكم الله خير
أولا :الله يوفقك
ثانياً: قدم الاوراق لشؤؤن المعلمين/ المعلمات
لا تستعجلين وتروحين الرياض الحين راجعي ادارة تعليم الدمام شؤون الموظفين والمالية يمكن اوراقك مارفعوها
خليك على روسهم لحد ما يجيك خبر عنها وربي يوفقك
السلام عليكم ورحمة الله وبركاته ارفعي اوراقك من مرجعك ادارة الدمام اكثر من مرة ولا تملين ولا تتركين الامر واستغلي الفرص والتعاميم ارفعي كل ما طنت في راسك يمكن تتطيح مع اوراق تحسين مستويات بالغلط عندنا تحسين المستوى يجي بالبركة الله يعينكم ترى الحال من بعضه ويسهل اموركم يارب
وهقتوني الحين حتى انا توي ماخذ تربوي وعلى امل بعد شهرين اني اعدل يعني الشغلة تطول
الله يجيزيكم خير جميعا
اخوي المضحوي لاتتعقد اعرف ناس من شهرين وتحسن مستواهم الناس حظوظ واتوقع على حسب ادارتك
راجعت الدمام وقالو رفعوها للرياض
وكنت اعرف شخص هو الي يراجع واخر مره سالته قال انا انتقلت عشان كذا انا تعقدت اموري والله المستعان
روحة الرياض فيني فيني بس اعرف لمن اروح اراجع قسم النساء ولا قسم الرجال
مرجعك في الرياض سيكون وكالة تعليم البنات مقابل مبنى التلفزيون والظاهر اسم الشارع عمر بن العاص متفرع من طريق الملك فهد وهي قريبة من طريق الملك فهد تتبع وزارة التربية والتعليم ، الاوراق المطلوبة جميع الاوراق مطلوبة وبالتوفيق
الله يعين الجميع اللي في الرياض يتحسن مستواهم في شهر واللي خارج الرياض ٦ شهور
………………………………………….. ……………………………..
انا في الرياض وتحسن مستواي بعد 11 سنة ويا فرحة ماتمت نزلوني درجة في السلم وصرت زي اللي مادرس دبلوم سوا سوا يعني تغير المسمى فقط من الرابع الى الخامس