لاحظت ان الطلاب وخاصة في تحليل الكلمة لحروفها لايسطيعون الحل وخاصة تحليل حرووف المد ويبدون بالملل والبكاء ؟؟؟؟؟؟؟
(( وخاصة في المجموعة 3 )) هل لاحظتوا والا نخليهم يحلونها في البيت مثل بعض الزملاء ويريح ويستريح من الشغلة كلها
وكدلك نركيب وترتيب الكلمااات ؟؟؟؟؟؟؟؟؟؟ حسبي الله على من وضع هدا الكتااااب ؟
اتوقع ان متابعة الاهل لها دور في حل بعض التلاميد
بعدين لاحظت سلبيات الكتاب مع النشاط وصعوبة فهم الطلاااب له
وانتــــــــــــــــــــــــــــــــــــــــــــــ ـــم وش لاحـــــــــــــــــــــــظتم افيدونا مأجورييين
انا لما حليت معاهم تدريبات المجموعه الثالثة انا حسيت نفسي ودي ابكي لاني كتبت لهم كلمة اخذو حروفها وحاولت اعلمهم طريقة التهجي وبالاخير وحده اللي تقرأ الكلمة ولما وصلنا التحليل عانيت ووحصتين وحنا فمربع التحليل وبعض للبنات اللي ماحلو قامو يصيحون فصرت مابين اعاده شرح وتقريب معلومة ومابين تسكيت الطالبت ومراضاتهم بس للان يبغالهم تركيز اكبر المشكلة مو بلتحليل انا اعتقد تمرين الي في حروف مشتته وتطلع منه كلمة او ترتب كلمة هو اصعب تمرين افي احد يحلة خليته لهم واجب فالبيت قلت يمكن الاهل يساعدوني عليهم ويمكن فالبيت تستفيد بالمراجعه مع امها …خاصة ان التكريب صعب وماله داعي ,,,, انا اعتقد الطالبة اللي تحلل وتربط الكلمة راح تتعلم شلون تقرأ حبة حبة بس بجد تدريس اولى يبغاله جهد جبار وصبر ايوب اسال الله ان يعيننا على تبليغ الرساله واداء الامانة
والله يا اخوان يحتاج منا صبر وسعة صدر والله عندما اجي لتدريب او مهارة ان ظغطي يصل 1000بس اتذكر انهن امانة فامسك نفسي واحاول امسك نفسي
يحتاج منا الى تكثيف جهد فقط
انا ساعدني في حروف المد اني كل حرف ناخذه اعطيهم حروف المد معه باقي ما وصلنل لحروف المد اليوم كان عندي حرف الثاء بس حسيت اني فرحانه جدا عندما نطقواالحرف مع حرف المد الي معه لدرجة اني كنت ابغا ابكي من فرحتي وهذا دليل على صبري معهن
الصبر الصبر وتكثيف الجهد هو النتيجة الحقيقة باذن الله
السسسسسسسسسسسلام عليكم
الصراحة الطالبة اللي اهلها متابعين هي اللي تجاوب
واللي مهههههههههههوين هي اللي تقعدلك علللللللللللله
وصراحة تكوين الكلمة في كتاب النشاط
ماأحد عرفة الا المحضرين
الله يعينكم
هجل لو شفتو المنهج الجديد وش بتسوون ! ! أكيد بصير فيها شد شعر
الله المستعان ، تراكم الحين في الجنة
ان كل ما يحتاجه الطالب في الصف الاول هو زيادة التدريب في كل شيء وخاصة كل ما يتعلق با القراءة من حروف والطريقة السليمة لكتابتها والتحليل الصوتي لها كل ماعليكم الاستمرار في مراجعة كل ماسبق يوميا وعدم استعجال النتائج وستنجح باذن الله وعليكم الاخلاص واحتساب الاجرمن الله
والله العظيم انك صادقة اليوم حسيت بذا الشيء حرام اني بغيت ابكي بس الله فرجهامن عنده واخذت بريك فسحه روقت شويه…………. حتى زميلاتي ماصرت اقعد معهم في الفسحة طبعا لاني صرت ادور الهدوء وما القاه إلا اذا راحو البنات يتفسحون وعددهم الله يهديهم 41
لا وازيدك من الشعر بيت اول مره امسك سنة اولى واخر سنة ان شاء الله من غير شر ولا ومتعاقده بعد وهذا فيض من غيض آه آه آه آه(حسبي الله لا اله الا هو عليه توكلت وهو رب العرش العظيم)
ياعلام علي كثرة حركة الطلاب
كتاب النشاط صعب على الصغيرات وأزمة عندي لأني لاأسيطر على الفصل اثناء الحل مابين بكاء وعويل وياأستاذة مااعرف وخروج من المكان وكذا صح ياأستاذة والا لا اللهم ارزقنا الاحتساب وثبت الاجر.
صحيح معاكم حق انه فيه صعوبه لكن صدقوني مع الصبر كل شئ يهون عني انا من البداية من اول درس كنت انطق لهم المد بشكل واضح مع التركيز على ذلك والتلميذات كانو يمدون نفس اسلوبي في الكلمات وبعد كم درس ذكرت لهم حروف المد والحركه التابعه لكل مد وخلاص كل بداية حصة جديده اسالهم عددي حروف المد يذكرون المد مع الحركه التابعه له واذكر لهم كلمات من خلال تقسيم الفصل الى حروف مد ونلعب اللعبه وهي صف مد بالالف وصف مد بالواو وصف مد بالياء واذكر لهن كلمات اللي المد من مجموعتهم يرفعن ايديهن وهكذا صار فيه تنافس وحرص على معرفة واتقان هذه المهار ولله الحمد والتحليل كل درس نحلل فيه كلمتين وصار عندهم خبره والحمد الله يعني التدرج من البداية يساعد في ايصال المعلومات بشكل جميل ويكون فيه اتقان تكوين كلمة من حروف كان في البداية فيه شوية معانات ولكن الحمد الله الان الكثير يستطيع ذلك ولله الحمد يعني نصيحة من البداية مهدووووو للمهارة المطلوبة من خلال ضرب امثله وتذكرون لهم من خلال الامثله وهكذا مع التكرار راح يكون كل شئ سهل انتم وكلو امركم لله سبحانه وتعالى واجعلو هدفكم هو اتقان العمل وكسب الاجر والاحتساب وصحيح مافيه وقت وضغط وتعب وهدة حيل لكن نسأل الله الصبر والاحتساب اتمنى اكون افدتكم بشئ
مع تمنياتي لكم بدوام التوفيق